BAKI, 11 noyabr — Sputnik. Saatlıda ölümlə nəticələnən yol-nəqliyyat hadisəsi baş verib.
Sputnik Azərbaycan "Report"a istinadla xəbər verir ki, hadisə Bəylik kəndinin ərazisində qeydə alınıb.
"Opel" markalı avtomobilin aşması nəticəsində 2 nəfər hadisə yerində ölüb. Ölənlər 1984-cü il təvəllüdlü Bakı sakini Qəmbərov Şamo Səlamət oğlu və onun 1 yaşlı oğlu Rauf Qəmbərovdur.
Hadisə Ş.Qəmbərovun idarə etdiyi "Opel" markalı avtomobilin yol kənarındakı dirəyə çırpılması nəticəsində baş verib.
Faktla bağlı ərazidə hüquq-mühafizə orqanlarının əməkdaşları tərəfindən araşdırma aparılır.
