BAKI, 10 noyabr — Sputnik. İstanbul polisi təhlükəsizlik güvvələrinə silahlı hücum planlaşdıran PKK/KCK üzvlərinə qarşı əməliyyat keçirib.
Sputnik Azərbaycan Türkiyə mətbuatına istinadla xəbər verir ki, təşkilata yeni üzvlər cəlb etmək üçün fəaliyyət göstərən şübhəlilərə istiqamətlənmiş əməliyyat 3 rayonda həyata keçirilib. Əməliyyatlar zamanı 9 şübhəli ələ keçirilib.
Əməliyyatlar Terrorla Mübarizə Şöbə Müdirliyi qrupları tərəfindən İstanbul, Antalya və Tekirdağda keçirilib. Müəyyən edilmiş ünvanlara eyni zamanda basqın edilib. Basqın zamanı 9 nəfər yaxalanıb.
Axtarış zamanı 2 tapança, 43 ədəd patron, çox sayda təşkilat sənədləri, jurnal və kitab ələ keçirilib. Şübhəlilərə aid rəqəmsal cihazlar götürülüb.
Araşdırma zamanı terrorçuların təhlükəsizlik qüvvələrinə bombalı və silahlı hücum hazırladıqları məlum olub.
Saxlanılan şübhəlilər İstanbul Təhlükəsizlik İdarəsinə aparılıb.
