BAKI, 3 noyabr — Sputnik. ABŞ prezidenti Donald Tramp aydın şəkildə bəyan edib ki, Rusiya ilə yaxşı əlaqələrin tərəfdarıdır. Biz onların bir neçə hərəkəti eləməsini, öz davranışlarını dəyişmələrini istəyirik. Onlar çağırışlar, problemlər yaradır, ABŞ-ın təhlükəsizliyini zəiflədirlər. Sputnik Azərbaycan xəbər verir ki, bunu ABŞ dövlət katibi Mayk Pompeo "Fox News" telekanalına müsahibəsində bildirib.
"Bizə lazımdır ki, onlar (Rusiya) raketlər üzrə, həmçinin bağladıqları sazişlər üzrə öhdəlikləri yerinə yetirsinlər. Əgər biz onları inandıra bilsək, onda dialoq apara bilərik. Mən Mərkəzi Kəşfiyyat İdarəsinin direktoru olanda belə edirdim, Rusiyadan olan həmkarımla danışırdım", — Pompeo vurğulayıb.
