BAKI, 3 noyabr — Sputnik. “Time” jurnalı 2018-ci ilin dünyada ən dahi 50 şirkətinin adını dərc edib.
Sputnik Azərbaycan Rusiya mediasına istinadən xəbər verir ki, bunlar Apple, Amazon, Nike, Domino’s, Nintendo, Singapore Airlines nəhəngləri və dünyada o qədər də məşhur olmayan startaplardır. Eyni zamanda, siyahıda DJI, Volvo, Xiaomi, Lockheed Martin, SpaceX, Netflix, Pinterest kimi şirkətlər də yer alıb.
Tədqiqatda nəşrin bütün dünya üzrə redaktor və müxbirləri iştirak edib. Onlara inkişafın lokomotivi rolunu oynayan və istiqamətini müəyyən edən şirkətlərin adlarını çəkmək təklif edilib.
Namizəd şirkətlər orijinallıq, təsir, müvəffəqiyyət və ambisiya kimi əsas amillər üzrə qiymətləndirilib.
Qeyd edək ki, bundan əvvəl Apple və Amazon Best Global Brands 2018-in ən bahalı brendləri sırasına daxil olub.
