Gənclər həm “Xbox” platformasında “FIFA 19” və “Mortal Kombat” oyun növləri üzrə güclərini sınayıblar, həm də “Robo Futbol” turnirində iştirak ediblər.
Turnirin əsas məqsədi yeniyetmə və gənclər arasında elm və texnikaya maraq oyatmaq olub. 2-3 nəfərdən ibarət komandalar hər biri iki avtonom robotla yarışıb. Qaydalara görə robotların hündürlüyü 22 santimetrədək, çəkisi isə 1 kiloqramadək olmalıdır. Eyni zamanda, robotlar yalnız “Lego” parçalarından istifadə edilərək hazırlanmalı idi.
Qeyd edək ki, yarış Azərbaycanda ilk dəfə olaraq təşkil edilmiş və 26-30 oktyabr tarixlərini əhatə edən “İnnovasiyalar həftəsi” çərçivəsində Nəqliyyat, Rabitə və Yüksək Texnologiyalar Nazirliyinin dəstəyi, Heydər Əliyev Mərkəzinin və “Microsoft Azerbaijan” şirkətinin tərəfdaşlığı ilə keçirilib.
