BAKI, 28 oktyabr — Sputnik. Çinin Çunçin bələdiyyəsi ərazisində avtobusun Yantzı çayına düşməsi nəticəsində ölənlər var.
Sputnik Azərbaycan xəbər verir ki, Çunçinin Vancou rayonunda 22 nömrəli marşrut avtobusu yerli vaxtla səhər saat 10:00 (Bakı vaxtı ilə 6:00) radələrində körpüdə hərəkət edərkən avtomobil ilə toqquşduqdan sonra çaya düşüb.
Hadisə yerinə xilasedicilər, təcili yardım briqadaları cəlb olunub. Artıq 2 nəfərin cəsədi tapılıb. Qəza vaxtı avtobusda neçə sərnişinin olması barədə hələlik dəqiq məlumat yoxdur.
