BAKI, 26 oktyabr — Sputnik. Türkiyənin Diyarbəkr şəhərində müşahidə kameraları asfaltın çökməsi və iki qadının dağıntılar altına necə düşməsini qeydə alıb.
Sputnik Azərbaycan-ın məlumatına görə, həmin anların videogörüntülərini DHA özünün YouTube kanalında yerləşdirib.
Kadrlardan da göründüyü kimi qadınlar küçədə söhbət edə-edə gedirlər. Bu zaman onların ayaqları altındakı asfalt çökür və qadınlar asfaltın altına düşürlər.
Hadisənin şahidləri zərərçəkmiş qadınların köməyinə qaçırlar.
KİV-in məlumatına görə, zərərçəkmiş qadınlar xəstəxanaya yerləşdirilib. Hazırda faktla bağlı araşdırma aparılır.
