BAKI, 25 oktyabr — Sputnik. Kanadada məşhur reper bədbəxt hadisə nəticəsində ölüb.
Sputnik Azərbaycan Türkiyə mətbuatına istinadən xəbər verir ki, videoları və musiqisi ilə yüzlərlə fanat ordusu toplayan Con Jeyms Makmürrey növbəti video çəkmək üçüm Britaniya Kolumbiyası bölgəsinə gedib. Orada Cessna tipli təyyarəyə minərək, havada ikən təyyarənin qanadına çıxaraq video çəkmək istəyib.
Reper Con Jeyms Makmürrey
© www.sozcu.com.tr
Amma hər kəsi razı salan sənətçi uğursuzluğa düçar olub. Təyyarə qəfil böyrü üstə dönən zaman Con Jeyms Makmürrey müvazinətini itirib. Bir müddət kanatdan tutaraq təyyarədən asılı qalan sənətçi, sonda gücünün tükənməsi nəticəsində yıxılıb və ölüb.
