BAKI, 23 oktyabr — Sputnik. İtaliyanın paytaxtı Romanın mərkəzində metro eskalatorunun uçması nəticəsində Rusiya MOİK-nin ən azı 8 azarkeşi xəsarət alıb.
"Report" məlumatına görə, bu barədə "RİA Novosti"yə Roma şəhər Polis İdarəsindən açıqlama verilib.
"MOİK-in azarkeş qrupu stansiya ilə aşağı enərkən eskalator qırılıb. Ən azı 8 nəfər müxtəlif xəsarətlər alıb. Onların sayı arta bilər. Hazırda yaralılar şəhərin tibb müəssisəsinə göndərilib", — deyə məlumatda bildirilir.
В Риме перед матчем #РомаЦСКА на одной из центральных станций метро вышел из строя эскалатор с болельщиками, есть серьёзно пострадавшие (с) pic.twitter.com/4hslg9ySBt
— Фанаты ЦСКА★RBWorld (@RBWorldorg) 23 октября 2018 г.
"Repubblica" stansiyası bu gün "Roma" və MOİK komandaları arasında Çempionlar Liqasının III tur matçının keçiriləcəyi "Olimpiko" stadionu istiqamətindəki metro xəttində yerləşir. Hadisədən sonra stansiya bağlanıb.
