BAKI, 23 oktyabr — Sputnik. İstanbul Respublika Baş prokurorluğunun Terror və Mütəşəkkil cinayətkarlıq ilə mübarizə idarəsi Adnan Oktar ilə bağlı cinayət işini araşdırmaqda davam edir.
Sputnik Azərbaycan Türkiyə mətbuatına istinadən xəbər verir ki, polis daha bir iz aşkarlayıb. Aparılan dinləmələrdən sonra daha bir neçə fakt üzə çıxıb. 23 nəfər İstanbuldan olmaq ilə 33 nəfər saxlanılıb. Saxlanılanların arasında Adnan Oktarın böyük qardaşı da var.
Polis bəzi şübhəlilərin də axtarışına başlayıb.
