Eldar Tanrıverdiyev, Sputnik Azərbaycan
BAKI, 16 oktyabr — Sputnik. Bu gün Türkiyə Cümhuriyyətinin Bakıdakı səfirliyində Qafqaz İslam Ordusunun və Bakının işğaldan qurtulmasının 100 illiyi münasibət ilə rəsm sərgisi keçirilib. Sputnik Azərbaycan xəbər verir ki, tədbirdə Türkiyənin Azərbaycandakı səfiri Erkan Özoral, Azərbaycanın ictimai xadimləri, rəssamlar və mətbuat nümayəndələri iştirak edib.
Tədbiri açılış nitqi ilə açan Erkan Özoral bildirib ki, bu il Azərbaycan – Türkiyə əlaqələri baxımından olduqca önəmli ildir: "Bu il Azərbaycan Xalq Cümhuriyyətinin 100 illiyi, həm də Bakının işğaldan azad olunmasında müstəsna rol oynayan Qafqaz İslam Ordusunun yaranmasının 100 illiyidir. Qafqaz İslam Ordusu Azərbaycan və Türkiyə qardaşlığının ən gözəl nümunələrindən biri kimi tarixdə öz yerini tutub.
O, qeyd edib ki,hər birimizin üzərinə düşən ən mühüm vəzifə 1918-ci il hadisələri ilə bağlı gəncləri məlumatlandırmaq, bu günün nələrin hesabına əldə edildiyini aşılamaqdır: "Biz, Türkiyə Cümhuriyyətinin Azərbaycandakı səfirliyi olaraq 2018-ci il ərzində Qafqaz İslam Universitetinin 100 illiyi ilə bağlı silsilə tədbirlər keçirir. Bu gün belə bir tədbirlərimizdən birinin yekun tədbirinə toplaşmışıq. Bu sərgidə nümayiş olunan rəsm əsrlər iki millət bir dövlət ifadəsinin nə qədər gerçək olduğunu, nə qədər mənalı olduğunu göstərir".
Səfir, həmçinin sərgiyə qatılan bütün rəssamlara öz təşəkkürünü bildirib: "Bu gün burada 27 müəllifin rəsm əsrlərində yalnız tarixin bir səhifəsi deyil, xalqlarımızın qardaşlığı və birliyinin sübutu əks olunub".
Daha sonra rəsm müəlliflər Türkiyə Səfirliyi tərəfindən mükafalandırılıb.
