Cümşüd Əhmədov onun üçün böyük anlamı olan bu maşının tarixçəsini Sputnik Azərbaycan-a danışıb. Dediyinə görə, atası bu avtomobili alanda, o, təxminən, 10-12 yaşlarında olarmış. Atası Cəbrayıl Əhmədov isə 1983-cü ildə vəfat edib.
Həmsöhbətimiz maşın sürməyi də bu avtomobillə öyrənib. 58 ilin avtomobili olmasına baxmayaraq, C. Əhmədov "Moskviç"-lə heç bir qəza keçirməyib. Hər gün üzərində çalışır. Nəvəsi böyüyəndən sonra isə öz ata yadigarını ona həvalə etmək istəyir ki, bu maşının tarixçəsini davam etdirə bilsin.
