BAKI, 15 oktyabr — Sputnik. Almaniyanın Köln şəhərinin Breslauerplats meydanında naməlum şəxslər insanları girov götürüb. Sputnik Azərbaycan bu barədə "Gazeta.ru"-ya istinadən xəbər verir.
Meydan şəhərin əsas vağzalının yaxınlığında yerləşir. Hazırda meydandakı insanlar evakuasiya olunub.
— rita khoury (@ritakhoury10) 15 октября 2018 г.
"Breslauerplats insanların girov götürülməsi halı qeydə alınıb. Polis və xilasetmə qüvvələri hadisə yerindədir" — deyə Köln polisinin rəsmi "Twitter" səhifəsində bildirilir.
Bəzi mənbələr olay yerində atəş səsləri eşidildiyini bildirsələr də, polis bu məlumatı təsdiq etməyib.
