BAKI, 11 oktyabr — Sputnik. Yunanıstan müdafiə naziri Panos Kammenos ABŞ müdafiə naziri Cim Mattis ilə Pentaqonda bir araya gəlib.
Sputnik Azərbaycan "Anadolu" agentliyinə istinadla xəbər verir ki, görüşdə Panos Kammenos Yunanıstanın ABŞ-ı yeganə etibarlı strateji tərəfdaş kimi gördüyünü bildirib.
Kammenos bildirib ki, ABŞ-ın yalnız Suda körfəzində deyil, Larissa, Volos və Aleksandrapolisdə də daimi hərbi qüvvə yerləşdirməsi Yunanıstan üçün mühümdür.
ABŞ-ın Suda körfəzindəki donanma bazası ilə yanaşı, Larissadakı hava bazasında pilotsuz uçuş aparatı məntəqələri yerləşir.
