BAKI, 11 oktyabr — Sputnik. Keniyanın Nayrobi şəhərindən Kakameqa kəndinə gedən avtobus yol qəzasına düşüb.
Sputnik Azərbaycan Türkiyə mətbuatına istinadən xəbər verir ki, içində 52 sərnişin olan avtobus aşıb. Bu zaman 50 nəfər sərnişin ölüb, cəmi 2 sərnişin sağ qalıb. Səhər saatlarında baş verən qəzada ölənlər arasında uşaqların da olduğu deyilir. Yaralılar isə xəstəxanaya aparılıblar.
Qeyd edək ki, Keniyada baş verən yol qəzalarında hər il 3 min keniyalı həyatını itirir.
