BAKI, 11 oktyabr — Sputnik. İçərisində Beynəlxalq Kosmik Stansiyanın (BKS) ekipajı olan daşıyıcı raket "Soyuz MS-10" havaya buraxıldıqdan sonra qəzaya uğrayıb. Bu barədə Sputnik Azərbaycan "RİA Novosti"-yə istinadən xəbər verir.
"Soyuz MS-10"-un göyərtəsində BKS — 57/58 missiyasının üzvləri – rusiyalı kosmonavt Aleksey Ovçinin və amerikalı astronavt Nik Heyq olub. Mənbə "RİA Novosti"-yə bildirib ki, ekipaj 6g həcmində yüklənmə hiss edərək Qazaxıstan ərazisinə qəza enişi edib (Müqayisə üçün: start zamanı kosmonavtlar 1-7g həcmində yüklənmə hiss edirlər).
Canlı yayım raket daşıyıcının havaya buraxılmasından bir neçə dəqiqə sonra dayanıb. İlkin məlumatlara görə, qəza birinci bölmənin ayrılmasından sonra baş verib.
Rusiya prezidentinin mətbuat katibi Dmitri Peskov bildirib ki, Baykanur kosmodromundan qalxdıqdan 119 saniyə sonra qəzaya uğrayan "Soyuz MS-10"-un ekipajı sağdır.
"Tanrıya şükürlər olsun ki, kosmonavtlar sağdır. Təhlükəsizlik sistemi və ekipajın vaxtında reaksiya verməsi yaxşdır" — deyə Peskov vurğulayıb.
