BAKI, 6 oktyabr — Sputnik. İsrail polisi rüşvətxorluq və vəzifədən sui-istifadə işi çərçivəsində baş nazir Benyamin Netanyahunu 4,5 saat ərzində dindirilib. Bu barədə Sputnik Azərbaycan Rusiya KİV-nə istinadən xəbər verir.
"Netanyahunun sorğusu baş nazirin Qüdsdəki iqamətgahında 4,5 saat çəkib" — "Kan" televiziyası məlumat yayıb.
Xatırladaq ki, İsrail polisi Benyamin Netanyahunu korrupsiya işi üzrə 12-ci dəfə. İsrailin hökumət başçısının adı "3000 saylı iş" üzrə bilavasitə fiqurant kimi hallanmasa da, onun şəxsi vəkilli David Şimronun adı Almaniyanın gəmiqayırma şirkətləri ilə əlaqələri olan şübhəlilərin siyahısındadır.
Netanyahu vəkilinin Almaniyanın sənaye şirkətləri ilə əlaqələrinin olmasından bixəbər olduğunu bildirib. Onun sözlərinə görə, "Delfin" tipli üç sualtı qayığın alınması ilə bağlı qərarı tam şəffaf olub və heç bir şəxsi səviyyədə olan münasibətlər bu qərarın qəbul olunmasına təsir etməyib.
Qeyd edək ki, İsrail baş nazirinin adı, bundan başqa "1000 saylı" cinayət işində hallanır. Həmin istintaqa görə, Netanyahu işgüzar dairələrdən, ümumilikdə 300 min dollar məbləğində hədiyyə qəbul etməkdə şübhəli bilinir.
