BAKI, 4 oktyabr — Sputnik. İsrail hərbçiləri 13 fələstinlini həbs edib. Sputnik Azərbaycan "Anadolu" agentliyinə istinadla xəbər verir ki, bu barədə İsrail ordusundan yazılı açıqlama verilib.
Xəbərdə bildirilir ki, Qərbi İordan çayının müxtəlif bölgələrində keçirilən gecə əməliyyatlarında terror aksiyalarına qoşulduqları iddiası ilə 13 fələstinli saxlanılıb. Fələstinlilər sorğu-sual edilmək üçün bölgədəki nəzarət mərkəzinə aparılıb.
İşğal altındakı Qərbi İordan və Şərqi Qüdsdə tez-tez evlərə basqın edən İsrail qüvvələri müxtəlif iddialarla fələstinliləri həbs edir.
Fələstinin rəsmi mənbələrinə görə, İsrail həbsxanalarında 62-si qadın, 300-ü uşaq olmaqla, təxminən, 6 min 500 fələstinli var.
