BAKI, 26 sentyabr — Sputnik. Rusiya prezidenti Vladimir Putin Azərbaycana sentyabrın 27-də səhər saatlarında gələcək.
Sputnik Azərbaycan “RİA Novosti”yə istinadən xəbər verir ki, bunu jurnalistlərə Rusiya prezidentinin mətbuat katibi Dmitri Peskov bildirib.
“Sabah axşam saatlarında Putin Düşənbədə qeyri-formal naharda iştirak edəcək. Buna qədər isə Putin səhər erkən saatlarda Bakıya gedəcək. Burada o, Rusiya-Azərbaycan regional forumundan iştirak edəcək. Putin və İlham Əliyev region rəhbərləri ilə görüşəcək, onlar qarşısında çıxış edəcək. Bundan əvvəl prezidentlər Bakıda keçirilən cüdo üzrə dünya çempionatının bəzi yarışlarını izləyəcəklər” — Peskov deyib.
