BAKI, 25 sentyabr — Sputnik. Birləşmiş Ştatlar prezidenti Donald Tramp bəyan edib ki, onun hələlik İran prezidenti Həsən Ruhani ilə görüşmək planı yoxdur, lakin belə bir görüşü gələcəkdə istisna etmir. Sputnik Azərbaycan xəbər verir ki, bu barədə məlumatı Tramp öz rəsmi Twitter səhifəsində yazıb.
"Xahişlərə baxmayaraq mənim prezident Həsən Ruhani ilə görüşə dair planım yoxdur. Ola bilər gələcəkdə bir gün. Mən əminəm ki, o gözəl insandır!", — deyə Tramp yazıb.
Qeyd edək ki, İran prezidenti Həsən Ruhani bəyan edib ki, Tehranla danışıqlar üçün Birləşmiş Ştatlar bu ilin may ayında birtərəfli qaydada çıxdıqları nüvə sazişinə qayıtmalıdır.
