BAKI, 21 sentyabr — Sputnik. "Dəmlənmiş çayı bir gün ərzində içmək olar. Bu tamamilə yanlış fikirdir".
Sputnik Azərbaycan xəbər verir ki, bunu həkim-nevropatoloq Qalib Əsədov öz Facebook səhifəsində qeyd edib. O, bildirib ki, çayı dəmlədikdən 6 saat sonra qətiyyən içmək olmaz.
"Bu müddətdən sonra onun tərkibində orqanizm üçün olduqca zəhərli olan maddələr əmələ gəlir. Yəqin ki, hər biriniz çay içdiyiniz fincanın divarında çətin yuyulan qəhvəyi rəngli ərpin əmələ gəldiyini görmüsünüz. Həmin maddə qara ciyər üçün olduqca zərərlidir" – deyə həkim xəbərdarlıq edib.
