Tədbirdə çıxış edən millət vəkili Fazil Mustafa bu problemin cəmiyyətdə açıq müzakirəsinə ehtiyac olduğunu bildirib:
“Biz yalandan icad etmişik ki, Azərbaycanda ailə insititutu çox sağlamdır. Bunu Amerika və Avropa ailə modelləri ilə müqayisə edirik. Ancaq gerçəkdən müqayisə edəndə görürük ki, ailə dəyərlərinin orada qorunması bizdən qat-qat üstündür. Yeni ailə institutu hüququn ailəyə tətbiqində yarımçıqlıq olduğuna görə inkişaf etdirilə bilmədi. Qadının iqtisadi azadlığının təmin olunmadığı ailələrin əsası güclü ola bilməz. Azərbaycan cəmiyyətində qadının özünün reabilitasiya imkanları sıfıra bərabərdir. Mənim fikrimcə, biz klassik ailə modelinin təbliğinə yönəlməməliyik. Ailə məsələlərini ilk növbədə hüquqla əlaqələndirməli, hüququn normal işləməsinə çalışmalıyıq”.
Millət vəkilinin geniş şərhinə audiofaylda qulaq asa bilərsiniz
