BAKI, 10 sentyabr — Sputnik. Türkiyə prezidenti Rəcəb Tayyib Ərdoğan ABŞ-a səfər edəcək. Sputnik Azərbaycan "Haber7"-yə istinadla xəbər verir ki, Türkiyə ilə ABŞ arasında siyasi gərginlik davam edərkən prezident Ərdoğan 23-27 sentyabr tarixləri arasında ABŞ-da səfərdə olacaq.
Ərdoğan 23-27 sentyabrda BMT Baş Assambleyasında iştirak etmək üçün ABŞ-a gedəcək. 27-29 sentyabr tarixlərində isə Türkiyə prezidenti Almaniyaya səfər edəcək.
Xatırladaq ki, Ərdoğan Tehran səfərindən təzə qayıdıb. Türkiyə prezidenti İranda Suriya ilə bağlı zirvə görüşünə qatılmışdı.
