Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

Azərbaycan tarixinin yeni qibləgahı — Qıpcaqtəpə abidəsi

© © Foto T.Əliyev tərəfindən təqdim olunub"Sarı pir" qəbiristanlığı
Sarı pir qəbiristanlığı - Sputnik Azərbaycan
Xəbərlərə abunə olun
Bundan başqa, Qıpçaq kəndi ərazisində yerləşən "Sarı pir" adlı qəbiristanlıqda da tədqiqat işi aparılıb

Şahpəri Abbasova, Sputnik Azərbaycan

BAKI, 7 sentyabr— Sputnik. Qax rayonunun Qıpçaq kəndinin cənubunda, Üzümlü-Ağyazı istiqamətində olan şose yolunun Əyriçay körpüsünə çatmamış hissəsində, yerli əhali tərəfindən Əyrinin tapı (Əyriçayın təpəlikləri) deyilən ərazidə "Qıpçaqtəpə" adlı abidə aşkar olunub. Qıpçaqtəpə abidəsi 4 hektar ərazini əhatə edir.

© © Foto T.Əliyev tərəfindən təqdim olunubQıpçaqtəpə
Qıpçaqtəpə   - Sputnik Azərbaycan
Qıpçaqtəpə

Oğuz-Qax arxeoloji ekspedisiyasının rəhbəri, tarix üzrə fəlsəfə doktoru Taleh Əliyevin Sputnik Azərbaycan-a verdiyi məlumata görə, çoxtəbəqəli abidədə aparılan arxeoloji kəşfiyyat qazıntısı zamanı abidənin üst təbəqələrinin ilk orta əsr və orta əsrlərə aid olduğu müəyyənləşdirilib: "Həmin ərazidə apardığımız tədqiqatlar göstərir ki, Qıpçaqtəpə yaşayış yeri ilk növbədə Üzümlü-Ağyazı istiqamətində olan şose yoluna yaxın hissədə olub (antik, ilk orta əsrlər və orta əsrlər), daha sonra son orta əsrlərə doğru yaşayış yeri öz ərazisini qərb istiqamətinə genişləndirib".

© © Foto T.Əliyev tərəfindən təqdim olunubQıpcaqtəpədə arxeoloji qazıntılar
Qıpcaqtəpədə arxeoloji qazıntılar - Sputnik Azərbaycan
Qıpcaqtəpədə arxeoloji qazıntılar

Bundan başqa, Qıpçaq kəndi ərazisində yerləşən "Sarı pir" adlı qəbiristanlıqda da tədqiqat işi aparılıb: "Aparılan araşdırmalar nəticəsində məlum olub ki, XVIII-XIX əsrlərdə əhali Sarı pir adlı hissədə həyat sürüb, XX əsrdə isə hazırkı Qıpçaq kəndinin ərazisində məskunlaşıb. Qəbir daşları üzərində olan yazılardan oranın XIX əsrə aid olduğunu söyləmək mümkündür" – deyə arxeoloq əlavə edib.

Qeyd edək ki, Qıpçaqtəpə yaşayış ərazisində geniş arxeoloji qazıntı işlərinin növbəti ildə də davam etdirilməsi planlaşdırılır.

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала