BAKI, 6 sentyabr — Sputnik. Rusiya Xarici İşlər Nazirliyinin mətbuat xidmətinin rəhbəri Mariya Zaxarova BMT-də çıxışı zamanı Suriya məsələsinə toxunub.
Sputnik Azərbaycan Rusiya mətbuatına istinadla xəbər verir ki, o, Suriyada sülh bərqərar olana qədər Rusiya hərbçilərinin ölkənin istənilən yerində terrorçuları öldürəcəyini bildirib.
"Öldürmüşük, öldürürük və öldürəcəyik" – deyə o, qeyd edib.
Zaxarova həmçinin vurğulayıb ki, Rusiya Hava-Kosmik qüvvələrinin sayəsində dünyadakı bütün jurnalistlər özlərini təhlükəsiz hiss edə bilər.
