Azərbaycan Dövlət İqtisad Universitetinin (UNEC) dosenti, iqtisad elmləri doktoru Müslüm İbrahimov Sputnik Azərbaycan-a deyir ki, Ukrayna-Azərbaycan əlaqələrinin hər zaman yüksək səviyyədə olması iqtisadi əlaqələrin inkişafında da özünü göstərir:
“Bu gün Ukrayna məhsullarının dünya bazarına çıxmasındakı problemlər iqtisadiyyata mənfi təsir göstərir. Ukrayna hökuməti ölkəyə böyük investitsiyaların cəlb edilməsinə çalışır. Azərbaycan bu ölkəyə investitsiya yatırmaqla böyük gəlir əldə edə bilər. Həmçinin Ukraynada Azərbaycan ticarət evinin tikilməsi çox əhəmiyyətlidir. Bakı-Tbilisi-Qars dəmiryolu da iqtisadi əlaqələrin inkişafına öz töhfəsini verə bilər”.
2017-ci ildə Ukrayna ilə Azərbaycan arasında ticarət dövriyyəsi 2016-cı illə müqayisədə 2,7 dəfə artaraq 772,1 milyon dollar təşkil edib. 2018-ci ilin ilk 5 ayı ərzində isə 43 faiz artaraq 356,72 milyon dollara bərabər olub.
Ekspertin geniş şərhinə audiofaylda qulaq asa bilərsiniz
