BAKI, 2 sentyabr — Sputnik. Türkiyədə ağır yol qəzası baş verib. Traktorla mikroavtobusun toqquşması nəticəsində ən azı 7 nəfər həlak olub, 19 nəfər yaralanıb.
Sputnik Azərbaycan "Sözçü"yə istinadla xəbər verir ki, hadisə Qaziyəntəp əyalətində baş verib.
Qəza zamanı 4 nəfər həlak olub, daha 3 nəfər isə aldığı xəsarətlərdən dünyasını dəyişib.
Yaralılar xəstəxanaya yerləşdiriliblər. Onlardan 3-nün vəziyyəti son dərəcə ağırdır.
Qəzanın səbəbləri araşdırılır.
