BAKI, 1 sentyabr — Sputnik. Azərbaycan Respublikasının Prezidenti İlham Əliyev Rusiyadan alınan silahın həcmi barədə danışıb.
Sputnik Azərbaycan RİA Novosti-yə istinadla xəbər verir ki, dövlət başçısı Rusiyadan Azərbaycana silah göndərilməsi ilə bağlı həyata keçirilmiş müqavilələrin ümumi dəyərinin 5 milyard dollar olduğunu və bu rəqəmin artdığını qeyd edib.
“Biz bu gün hərbi-texniki sahədə gələcək əməkdaşlıqla bağlı müzakirə aparmışıq. Bu əməkdaşlıq artıq böyük ənənəyə malikdir. Rusiya və Azərbaycan arasında həyata keçirilən müqavilələr, Azərbaycanın Rusiyadan aldığı hərbi məqsədli məhsulların həcmi 5 milyard dolları keçib və artmaq tendensiyası göstərir. Çünki Azərbaycan Silahlı Qüvvələrini yeniləməkdə davam edir, Rusiya isə beynəlxalq bazarda vacib silah istehsalçısı və hərbi məhsul tədarükçüsüdür” – deyə İlham Əliyev Rusiya prezidenti Vladimir Putinlə görüşdə bildirib.
