BAKI, 31 avqust — Sputnik. Üç bolqar nazir ölkədəki ölümcül avtomobil qəzasından sonra istefaya gedib. Sputnik Azərbaycan Rusiya mətbuatına istinadla xəbər verir ki, Bolqarıstan daxili İşlər naziri Valentin Radev, nəqliyyat naziri İvaylo Moskovski və regional inkişaf naziri Nikolay Nankov ölkənin şimal-qərbində avtobus baş verən 17 nəfərin həyatını itirdiyi qəzadan sonra istefaya gedib.
Məlumata görə, qəza zamanı xəsarət alanlardan 13 nəfər hələ də xəstəxanadadır.
Qeyd edək ki, qəza şənbə günü İskar dərəsi rayonunda baş verib. Qəza zamanı sürücü idarəetməni itirərək avtobusu aşırıb. Bolqarıstan prokurorluğu sürücü Qriqor Qriqorova qarşı bir neçə maddə ilə cinayət işi açıb.
