BAKI, 30 avqust — Sputnik. İranın kəşfiyyat naziri Mahmud Ələvi hökumətin müxtəlif müəssisələrində çalışan onlarla xarici agentin həbs olunduğunu açıqlayıb.
Sputnik Azərbaycan "Haber7"ə istinadla xəbər verir ki, Ələvi həbs olunan şəxslərin hansı ölkələr üçün işlədiyinə və nə vaxt həbs olunduqlarına dair heç bir məlumat verməyib. Bununla yanaşı o, sözügedən şəxslər arasında ikili vətəndaşlığı olan iranlıların da yer aldığını dilə gətirib.
