CƏMİYYƏT
Cəmiyyətin həyatında baş verən aktual hadisələr

Onlar ölüm kabusuna qarşı duruş gətirəcəklər – FOTO

© Photo : Virtual Azərbaycan“KDM76-15” “Yaroslaviç” kommunal-yol maşını
“KDM76-15” “Yaroslaviç” kommunal-yol maşını - Sputnik Azərbaycan
Abunə olmaq
Həmin texnika indiyə qədər küçələrdə təmizlik işləri aparan süpürgəçi qadınları əvəzləyəcək

BAKI, 18 avqust — Sputnik. Bu günlərdə Bakı Şəhər İcra Hakimiyyətindən paytaxt küçələrinin xüsusi texnika vasitəsilə təmizlənəcəyi ilə bağlı məlumat daxil olmuşdu. Həmin texnika indiyə qədər küçələrdə təmizlik işləri aparan süpürgəçi qadınları əvəzləyəcək.

Мост, поврежденный в результате паводка в реке Гёйчай - Sputnik Azərbaycan
CƏMİYYƏT
Ağır texnika əraziyə cəmlənib, hazırlıq və mobilizasiya işləri aparılır

Son dövrlər yol təmizləyən qadınların sürətlə şütüyən avtomobillər tərəfindən vurulması hallarına tez-tez rast gəlinirdi. Sonuncu belə hadisə ötən həftə Nəsimi rayonunda baş vermişdi. Təxminən 55-60 yaşında qadın yol kənarını təmizləyərkən vurulmuşdu. Paytaxt rəhbərliyi belə halların qarşısını almaq üçün bir sıra addımlar atmağa başlayıb. Prezident İlham Əliyevin göstərişi ilə meriya tərəfindən xüsusi proqram hazırlanır və onun icrasından sonra yollarda zibilin yığışdırılması tamamilə avtomatlaşdırılacaq.

Sputnik Azərbaycan virtualaz.org-a istinadla xəbər verir ki, Rusiyanın "Yaroslaviç" İstehsalat Müəssisəsi “KDM76-15” “Yaroslaviç” 5 ədəd kommunal-yol maşınlarının növbəti partiyasını ötən gün Azərbaycana yola salıb. “KamAZ-65115” şassisində quraşdırılmış bu maşınlar möhkəm örtüklü asfalt yollarda xidmət üçün nəzərdə tutulub və heç bir mövsümi məhdudiyyətləri yoxdur. Onlar həm şəhər, həm də şəhərətrafı yollarda istifadə oluna bilər.

© Photo : Ярославич“KDM76-15” “Yaroslaviç” kommunal-yol maşını
“KDM76-15” “Yaroslaviç” kommunal-yol maşını  - Sputnik Azərbaycan
“KDM76-15” “Yaroslaviç” kommunal-yol maşını

Qış aylarında bu texnika vasitəsilə şəhər küçələrini qardan təmizləmək mümkündür. Həmçinin yeni texnika ilə yola duz və maye səpmək olar. Yay aylarında isə yolların süpürülməsi, səkilərin, yol nişanlarının yuyulması, yol təmiri zamanı asfalt hissələrinin daşınmasında istifadə oluna bilər.

Bütün zəruri avadanlıqla təchiz edilmiş texnika sınaqlardan keçirilib və istismara tam hazırdır.

Xəbər lenti
0