ELM

İxtisas seçiminə cəmi 3 gün qalıb...

© Sputnik / Murad OrujovDövlət İmtahan Mərkəzi
Dövlət İmtahan Mərkəzi - Sputnik Azərbaycan
Abunə olmaq
Əks təqdirdə onlar müsabiqədə iştirak edə bilməyəcəklər

BAKI, 10 avqust — Sputnik. Ali təhsil müəssisələrinin ixtisas seçiminin başa çatmasına 3 gün qalıb. Bu barədə Sputnik Azərbaycan-a Dövlət İmtahan Mərkəzindən məlumat verilib. Bildirilib ki,ali təhsil müəssisələrinin bakalavriat səviyyəsinə ixtisas seçimi iyulun 30-da başlayıb və avqustun 13-ü saat 23:59-dək davam edəcək. İxtisas seçimi internet vasitəsilə elektron formada aparılır və bu prosesi həftənin istənilən günü, günün istənilən vaxtı həyata keçirmək mümkündür. İxtisas seçimi etmək sadə bir prosesdir və hər bir abituriyent bunu özü edə bilər. Bunun üçün hər hansı bir şəxsə müraciət etməyə ehtiyac yoxdur.

Qeyd edək ki, müsabiqəyə buraxılan abituriyentlərin sayı I qrup üzrə 16649, II qrup üzrə 11698, III qrup üzrə 14143, IV qrup üzrə 4079, V qrup üzrə isə 8164 nəfərdir. 10 avqust saat 11:30-a olan məlumata əsasən, ixtisas seçimi edib ərizəsini təsdiq edənlərin sayı I qrup üzrə 12709, II qrup üzrə 9531, III qrup üzrə 10792, IV qrup üzrə 3195, V qrup üzrə isə 3112 nəfərdir. Ümumilikdə, 2850 nəfər ixtisas seçimi etsə də, ərizəsini təsdiq etməyib.

Abituriyentlərə qeyd olunan vaxta qədər öz seçimlərini dəqiqləşdirməyi və ixtisas seçimi edib ərizələrini təsdiq etməyi tövsiyə edirik. Əks təqdirdə onlar müsabiqədə iştirak edə bilməyəcəklər.

Xəbər lenti
0