Şahpəri Abbasova, Sputnik Azərbaycan
BAKI, 7 avqust— Sputnik. Qax rayonun Əmbərçay kənd sakini Səlim Hətəmovu qarpız yeyən vaxt arı sancıb.
Sputnik Azərbaycan-ın bölgə müxbirinin məlumatına əsasən, həşərat onun dil nahiyəsindən sancıb. Arı sancması allergik reaksiya verdiyindən xəstə dərhal tibb məntəqəsinə yerləşdirilib. Ona allergiya əleyhinə iynələr vurulub.
Hazırda xəstənin vəziyyəti orta-ağırdır.
