BAKI, 4 avqust — Sputnik. Tanınmış azərbaycanlı reper Anar Nağılbaz (Cəbiyev) vəfat edib. Bu barədə onun anası Şərqiyyə Cəbiyeva məlumat verib.
Kİv-də gedən məlumata əsasən, Nağılbaz daxili qanaxmadan keçinib.
Anar Nağılbaz 1974-cü il martın 28-də anadan olub. Azərbaycan repinin banilərindən sayılır. Bu janrla 1988-ci ildən məşğul olmağa başlayıb. 1990-cı ildə Yaltada keçirilən beynəlxalq festivalda Azərbaycanı "Bivıfa" mahnısı ilə təmsil edib. 1996-cı ildə ilk albomunu buraxıb.
Anar Nağılbaz keçmiş millət vəkili Rizvan Cəbiyevin oğlu idi.
