BAKI, 1 avqust — Sputnik. Tacikistanda İslam Dirçəlişi Partiyasının terrorçu qolu zərərsizləşdirilib. Sputnik Azərbaycan "RİA Novosti"yə istinadən xəbər verir ki, bu barədə Tacikistan Dövlət Təhülkəsizlik Xidmətinin İctimaiyyətlə Əlaqələr üzrə Mərkəzi məlumat yayıb.
Xüsusi əməliyyat fevral ayında keçirilib. Həmin vaxt 14 nəfər saxlanılıb. Məlumata əsasən, saxlanılan şəxslər Novruz bayramı zamanı ölkədə terror aktları həyata keçirməyi planlaşdırıb. Bundan əlavə Düşənbədə olan 201 nömrəli Rusiya hərbi bazasında da hücum planlaşdırılıb.
Bütün bu təfərrüatları bu gün həyata keçirilən məhkəmə prosesində bilinib. Həbs olunan şəxslərin hamısı muzdluluqda, ekstremist təşkilatın fəaliyyətinin təşkil olunmasında, dövlət sərhədini qeyri-qanuni keçməkdə, həmçinin terrorizmdə ittiham olunur.
Düşənbə məhkəməsi terrorçu təşkilatın qurucuları Fəxrəddin Qulov və Mahmudcan Azamovu 26 il müddətinə, digər şəxsləri isə 7 il müddətinə azadlıqdan məhrum edib.
