BAKI, 31 iyul — Sputnik. Bakı-Sumqayıt-Bakı elektrik qatarlarının hərəkət cədvəli müvəqqəti olaraq dəyişdirilir. Bu barədə Sputnik Azərbaycan-a "Azərbaycan Dəmir Yolları" Qapalı Səhmdar Cəmiyyətinin İctimaiyyətlə əlaqələr şöbəsinin rəisi Sevinc Qədirova məlumat verib.
O bildirib ki, dəmir yolunun Biləcəri-Xırdalan mənzilində aparılan əsaslı təmir işləri ilə əlaqədar olaraq, 02.08.2018-ci il tarixdən 07.08.2018-ci (daxil olmaqla) il tarixədək "Texniki fasilə" verilir. Bununla əlaqədar olaraq, Bakı-Sumqayıt-Bakı elektrik qatarlarının hərəkət cədvəli 02.08.2018-ci il tarixdən 07.08.2018-ci (daxil olmaqla) il tarixədək dəyişdirilir.
Qeyd: Hər şənbə, bazar və bayram günləri 6002/6001, 6004/6003, 6020 nömrəli elektrik qatarları hərəkətdə olmayacaq. Hər şənbə, bazar və bayram günləri 6011 nömrəli elektrik qatarı tək heyətlə hərəkət edəcək.
