BAKI, 27 iyul — Sputnik. Hindistanda bir qadın faciənin bir addımlığından dönüb.
Sputnik Azərbaycan Türkiyə mətbuatına istinadən xəbər verir ki, Hindistanda hərəkət edən qatardan düşmək istəyən qadının sarisi (geyimi —red.) qatarın tutacaqlarından birinə ilişib. Qatar sürətli hərəkətə başladığı üçün qadına kömək etmək istəyənlər də bunu bacarmayıb. Xoşbəxtlikdən qadının paltarı cırılıb və o platformaya düşüb. Ona tibbi yardım göstərilib. Xəsarət alan qadının vəziyyətinin yaxşı olduğu deyilir.
