Şahpəri Abbasova, Sputnik Azərbaycan
BAKI,17 iyul— Sputnik. Havaların yağışlı olmasına baxmayaraq bölgələrdən ilan sancması xəbərləri gəlməkdə davam edir.
Sputnik Azərbaycan-ın bölgə müxbiri xəbər verir ki, bu gün səhər saatlarında Zaqatala rayonun Aşağı Tala kənd sakini Mustafa Hacıyevi ilan sancıb. Belə ki, kənd sakini tütün sahəsində işləyən zaman ilan onun sağ ayağının topuq nahiyəsindən sancıb.
57 yaşlı kənd sakini Zaqatala Mərkəzi Rayon Xəstəxanasına (MRX) yerləşdirilib. Ona lazımi tibbi yardım göstərilib, ilan zəhəri əleyhinə qarşı zərdab vurulub.
Xəstənin müalicəsi davam edir.
