BAKI, 10 iyul — Sputnik. Qazaxda 57 baş qoyun yol qəzası nəticəsində tələf olub. Sputnik Azərbaycan xəbər verir ki, iyulun 9-da saat 4 radələrində Bakı-Qazax yolunun 480-ci kilometrliyində — Qazax rayonunun Daşsalahlı kəndi ərazisində Şəmkir rayon sakini Habil Hüseynov idarə etdiyi "Audi" markalı avtomobillə yolu keçən qoyun sürüsünü və çoban, Qazax rayon sakini Adil Quliyevi vurub.
Nəticədə A.Quliyev xəstəxanaya yerləşdirilib. 57 baş qoyun isə tələf olub.
DİN-in Baş İstintaq və Təhqiqat İdarəsi tərəfindən araşdırma aparılır.
