CƏMİYYƏT
Cəmiyyətin həyatında baş verən aktual hadisələr

Olimpiya Stadionundan Bayraq meydanına qədər: Tramvay Bakıya qayıda bilər

© AFP 2023 / VALERY HACHE Трамвай в Ницце, Франция, фото из архива
Трамвай в Ницце, Франция, фото из архива - Sputnik Azərbaycan
Abunə olmaq
Bir neçə il əvvəl Bakıda tramvay xətlərinin bərpa olunması ilə bağlı təklif irəli sürülüb

BAKI, 7 iyul — Sputnik. Fransanın “Alstom” dəmiryol nəqliyyatı şirkəti Bakıda tramvay xətlərinin bərpası layihəsinin reallaşdırılması ilə bağlı Azərbaycan tərəfinin qərarını gözləyir.

Sputnik Azərbaycan-ın Trend-ə istinadən xəbərinə görə, bunu şirkətin Qərbi və Mərkəzi Asiya üzrə idarəedici direktoru Bernard Pell deyib.

B.Pell bildirib ki, bir neçə il əvvəl Bakıda tramvay xətlərinin bərpa olunması ilə bağlı təklif irəli sürüblər: “Lakin paytaxtda Formula-1 yarışlarının keçirilməsi ilə əlaqədar planları və tramvay xəttinin profilini dəyişməli olduq”.

Direktorun sözlərinə görə, layihə Bakı Olimpiya Stadionundan “Port Baku”ya kimi, oradan isə Bayraq meydanınadək tramvay xəttinin çəkilməsini nəzərdə tutur.

B.Pell əlavə edib ki, yeni tramvaylar nəqliyyat vasitəsi kimi bir çox üstünlüyə malikdir: “Yeni tramvaylar ekoloji cəhətdən təmizdir və zərərli tullantılar buraxmır. Tramvaylar demək olar ki, əhalisi 200 mindən çox olan bütün Avropa şəhərlərində var. Bir sözlə onlar çox səmərəli işləyir”.

Xəbər lenti
0