Azərbaycan Dövlət İqtisad Universitetinin (UNEC) dosenti, iqtisad elmləri doktoru Müslüm İbrahimov Sputnik Azərbaycan-a deyir ki, bu mexanizmin yaradılması çox faydalı olacaq:
“İqtisadi amnistiya mexanizmi Azərbaycanın investitsiya imkanlarını artıracaq. Qanunda olan boşluqlara görə əldə olunmuş mənfəətin başqa ölkəyə keçirilməsi zamanı çatışmazlıqlar mövcud idi. Xarici ölkələrdə yerləşdirilmiş investitsiyaların ölkə iqtisadiyyatına cəlb edilməsi üçün bu amntistiya prosesi reallaşdırılır. Bu investitsiya mənbələrinin bir formasıdır. Bu proses bir çox ölkələrdə müsbət nəticələrə səbəb olub. Yeni investitsiyalar yeni müəssisələrin yaradılması, mövcud müəssisələrin istehsal potensialının artırılmasına cəlb olunacaq”.
İqtisadi amnistiya mexanizmi Azərbaycan prezidenti İlham Əliyevin imzaladığı sərəncamla təsdiq edilən “İdxal-ixrac əməliyyatlarına nəzarət sisteminin təkmilləşdirilməsinə dair Tədbirlər Planı”nında əksini tapıb.
Ekspertin geniş şərhinə audiofaylda qulaq asa bilərsiniz
