BAKI, 3 iyul — Sputnik. Bakı-Sumqayıt qatarının hərəkətində problem yaranıb.
Bunu "Report"a “Azərbaycan Dəmir Yolları” Qapalı Səhmdar Cəmiyyətinin İctimaiyyətlə əlaqələr şöbəsinin rəisi Sevinc Qədirova təsdiqləyib.
Onun sözlərinə görə, bu istiqamətdə üç qatar yolda qalıb: "Həmin qatarları xüsusi nəqliyyat vasitələri ilə çəkib yaxın stansiyaya yerləşdiriblər. Sərnişinlər isə təxliyyə edilib. Bütün sərnişinlərin ödənişləri özlərinə qaytarılıb".
Qədirova digər istiqamətlərdə hərəkət edən qatarlarda problem olmadığını deyib: "Elektrik qatarları və digər qatarlar gec saatlarda çıxdığından yolda qalanı yoxdur".
