BAKI, 30 iyun — Sputnik. İndoneziyanın Bali adasında olan Agung vulkanı yenidən kül və duman püskürməyə başlayıb. Sputnik Azərbaycan Türkiyə mətbuatına istinadla xəbər verir ki, vulkanın püskürməyə başlamsı ilə bağlı ərazidə yaşayan əhaliyə maska istifadə etmələri məsləhət görülüb.
"Jetstar" və "AirAsiya" hava yollarıl şirkətləri Avstraliya şəhərlərindən Baliyə bütün uçuşları ləğv edib və bununla bağlı intertent saytları vasitəsilə xəbərdarlıq edib. Ölkənin ən çox turist gələn bölgəsi olan Bali adasındakı Agung vulkanı son dəfə 1963-cü ildə püskürüb və bu zaman 1100 nəfər dünyasını dəyişib.
Vulkandan püskürən kül və duman 2 min metrə qədər yüksəlir. Aidiyyatı qurumlar ərazidə yaşayan 300 nəfəri təcili şəkildə təxliyə edib.
