Rahim Zakiroğlu, Sputnik Azərbaycan
BAKI, 29 iyun — Sputnik. Lənkəran-Lerik avtomobil yolunda avtomobil qəzası baş verib.
Sputnik Azərbaycan-ın bölgə müxbirinin verdiyi məlumata görə, qəza Lənkəran-Lerik yolunun 29-cu kilometrliyində Lerik rayonunun Piran kəndi ərazisində qeydə alınıb. Belə ki, “Ford” markalı yük avtomobili yoldan çıxaraq dərəyə aşıb.
Nəticədə avtomobildə olan 2 nəfər şəxs müxtəlif dərəcəli bədən xəsarətləri alıb. Lənkəran sakini, 1991-ci il təvəllüdlü Fərid Abdullayev Lənkəran Mərkəzi Rayon Xəstəxanasında müalicə alır. Digər yaralının vəziyyəti yüngül olduğundan, evə buraxılıb.
Hazırda qəza hadisəsi araşdırılır.
