Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Bakıda cərimə meydançasında güclü yanğın: 50-yə yaxın avtomobil yanıb

© Photo : QafqazinfoCərimə meydançasında yanğın
Cərimə meydançasında yanğın - Sputnik Azərbaycan
Abunə olmaq
Hadisə yerinə yanğınsöndürən maşınlar cəlb olunub, yanğının söndürülməsi üçün işlər aparılır

BAKI, 29 iyun — Sputnik. Nizami rayonu ərazisində yerləşən avtomobil cərimə meydançasında yanğın başlayıb. Alov meydançadakı avtomobilləri bürüyüb. Yanan avtomobillər arasında arasında "BMW", "Niva" və "VAZ 2106-7" markalı avtomobillər var. 

© Photo : QafqazinfoCərimə meydançasında yanğın
Cərimə meydançasında yanğın  - Sputnik Azərbaycan
Cərimə meydançasında yanğın

Ərazi sakinlərinin Sputnik Azərbaycan-a verdikləri məlumata görə, hazırda Nizami Rayon İcra Hakimiyyətinin başçısı Arif Qasımov da hadisə yerinə gəlib. İlkin məlumata görə, yanğın nəticəsində 50-yə yaxın avtomobil yanıb. Onların bir çoxu tamamilə, bəzilərinin isə bir qismi yanıb.

Hadisə yerinə yanğınsöndürən maşınlar cəlb olunub. Yanğının söndürülməsi üçün işlər aparılır.

Fövqəladə Hallar Nazirliyinin məlumatına görə, böhran Vəziyyətlərində İdarəetmə Mərkəzinə Bakı şəhəri, Nizami rayonu ərazisində açıq sahədə yanğın olması barədə məlumat daxil olub. Fövqəladə Hallar Nazirliyinin Dövlət Yanğından Mühafizə Xidmətinin yanğın bölmələri hadisə yerinə cəlb olunub. Hazırda yanğınsöndürmə işləri davam etdirilir. Əlavə məlumat veriləcək.

Xəbər lenti
0