İsa Qəmbər: “Rəsulzadə və Elçibəy irsi ciddi şəkildə araşdırılmalıdır”
“Azərbaycan xalqı dünya tarixinin ən layaqətli və qəhrəman xalqlarından biridir”. Sputnik Azərbaycan-ın məlumatına görə, bunu Əbülfəz Elçibəyin 80 illik yubileyinə həsr olunmuş tədbirdə çıxış edərkən Milli Strateji Düşüncə Mərkəzinin rəhbəri İsa Qəmbər deyib.
“Xalqımız tarixən müstəqilliyə və ləyaqətə can atıbdır. Bu, 1918-ci, eləcə də 1991-ci ildə belə olubdur. Bu xalqın 20-ci əsrin əvvəlində Məhəmməd Əmin Rəsulzadə kimi lideri, əsrin sonunda o yolu davam etdirmiş Əbülfəz Elçibəy kimi lideri olubdur. Bizim müstəqillik tariximiz hələ kifayət qədər öyrənilməyib. Buna görə də Rəsulzadə və Elçibəy irsi ciddi şəkildə araşdırılmalıdır” — deyə o bildirib.
Qeyd edək ki, Azərbaycan milli azadlıq hərəkatının liderlərindən olan, sabiq ölkə başçısı Əbülfəz Elçibəy 1938-ci il iyunun 24-də Ordubad rayonunun Kələki kəndində anadan olub.
İsa Qəmbərin geniş şərhinə audiofaylda qulaq asa bilərsiniz
