BAKI, 20 iyun — Sputnik. Rusiyada keçirilən futbol üzrə dünya çempionatında daha bir 1/8 finalçı müəyyənləşib. Sputnik Azərbaycan xəbər verir ki, A qrupunda keçən oyunda Səudiyyə Ərəbistanına qalib gələn Uruqvay millisi növbəti mərhələyə keçib.
Oyun Uruqvay millisinin böyük üstünlüyü şəraitində keçsə də, qapılara cəmi 1 qol vurulub. Bu qolun müəllifi Uruqvay millisinin aparıcı oyunçusu Luis Suares olub. Suares həm də Uruqvay tarixində 3 dünya çempionatında qol vuran ilk futbolçu kimi tarixə düşüb.
Bu qələbə uruqvaylılara Rusiya millisi kimi növbəti mərhələyə keçmək imkanı yaradıb. Çünki hər iki komanda ilk oyunda da qalib gələrək, 6 xal toplayıb. Mərakeş və Səudiyyə Ərəbistanının isə sonuncu turun nəticəsindən asılı olmayaraq çempionatı tərk edəcəkləri dəqiqləşib.
