Ceyhun Bayramov: “Yüksək bal toplayanların arasında müəllimlik peşəsini seçənlərin sayı artır”
“Son üç ildə müəllimlik peşəsinə yiyələnmək üçün mərkəzləşmiş imtahanda iştirak edən insanların sayı 300 faiz artım var”. Sputnik Azərbaycan-ın məlumatına görə, bunu jurnalistlərə açıqlamasında təhsil naziri Ceyhun Bayramov deyib.
“2017-ci ilin yay aylarında mərkəzləşmiş qəbul imtahanında iştirak üçün 49 min insan müraciət edib. Müqayisə üçün qeyd edim ki, 2013-cü ildə bu say 16 min nəfəri təşkil edirdi. Sevindirici məqamlardan biri də odur ki, ali məktəblərə qəbul imtahanında yüksək bal toplayanların arasında da müəllimlik peşəsini seçənlərin sayı artır. 2014-cü ildə bu, 674 nəfər idisə, 2017-ci ildə 1370 nəfər olub”, — deyə nazir bildirib.
