BAKI, 13 iyun — Sputnik. Norveç alimləri insan beyninin intellektual səviyyəsini araşdırırlar. Onlar araşdırmalar nəticəsində müəyyən ediblər ki, insanın intellekti bir neçə min il ərzində zəifləyib.
Sputnik Azərbaycan xəbər verir ki, onlar 1970-2009-cu illər norveçlilərin hərbi xidmətə qəbulu zamanı həyata keçirilən IQ testlərinin nəticələrini araşdırıblar. Araşdırmada 730 min insanın IQ testinin nəticələrindən istifadə olunub.
Alimlər deyir ki, qidalanma, həyat tərzi, təhsil IQ-yə böyük təsir edir. Məhz bu səbəblər insanın intellektinin aşağı düşməsinə səbəb olub.
Alimlər bunu insanların həyatı ilə əlaqələndirirlər. İnsanların yaşam tərzləri onların intellektlərinə birbaşa təsir edir. Eyni zamanda ekaloqiya və qidalanma da böyük rol oynayır.
