Leyla Abdullayeva, Sputnik Azərbaycan
BAKI, 12 iyun — Sputnik. DİN-in Mətbuat Xidmətinin Quba regional qrupundan Sputnik Azərbaycan-ın bölgə müxbirinə verilən məlumata görə, iyunun 11-də gecə saatlarında rayonun Zərdabi kəndinin sakini Eldəniz Dadaşov döş qəfəsinin kəsilmiş-deşilmiş diaqnozu ilə daxilə nüfuz edən xəsarətlə Quba Rayon Mərkəzi Xəstəxanasına gətirilib. Yaralı dərhal əməliyyat olunub.
Bu barədə Rayon Polis Şöbəsinin apardığı əməliyyat-axtarış tədbirlərinə nəticəsində hadisəni törətməkdə şübhəli bilinən həmin kəndin sakini, əvvəllər bir neçə dəfə məhkum olunmuş Kamran Ağasıyev saxlanılaraq polis şöbəsinə aparılıb. Araşdırma zamanı o, hadisəni aralarında yaranmış mübahisə zəminində törətdiyini bildirib. Cinayətdə istifadə olunan bıçaq maddi sübut kimi götürülüb.
Faktla bağlı cinayət işi açılıb, araşdırmalar aparılır.
